Հունիսի 6-ին կմեկնարկի Խաչատրյանի անվան 20-րդ միջազգային մրցույթը։ Այս տարի այն կանցկացվի ջութակ մասնագիտական կարգում Բացման արարողությունը և համերգը, ավանդույթի համաձայն, տեղի կունենան մեծ կոմպոզիտորի ծննդյան օրը։
Համերգը կղեկավարի Սերգեյ Սմբատյանը:
Որպես մենակատար հանդես կգա Խաչատրյանի անվան 16-րդ միջազգային մրցույթի հաղթող, ջութակահար Դիանա Ադամյանը:
Ծրագրում՝
Արամ Խաչատրյան․ Հատվածներ «Սպարտակ» բալետի սյուիտներից, 17րոպե
Արամ Խաչատրյան. Ջութակի կոնցերտ ռե մինոր, երկ. 46, 40 րոպե
I. Allegro con fermezza
II. Andante sostenuto
III. Allegro vivace
Մրցույթի փուլերը կանցկացվեն հունիսի 7-ից 13-ը Արամ Խաչատրյանի տուն-թանգարանում։
Մրցույթային փուլերի օրերին հանդիսատեսի մուտքն ազատ է։
Երեխաների մուտքը՝ սկսած 6 տարեկանից։