Armenian National Academic Theatre of Opera and Ballet
21.11.2023 19:30
Գինը սկսած - 5 000,00 ֏
Տիգրան Համասյան Սոլո
Նոյեմբերի 21-ին ժամը 19:30-ին Հայաստանի Օպերայի և Բալետի Ազգային Թատրոնում տեղի կունենա Տիգրան Համասյանի ՍտանդԱրտ ծրագրի Սոլո համերգը:
Դաշնակահար, կոմպոզիտոր Տիգրան Համասյանը 2023թ. Իր համաշխարհային շրջագայության ընթացքում համերգներով հանդես կգա Երևանում, Հայաստանի օպերայի և բալետի ազգային թատրոնում:
Նոյեմբերի 20-ին «Տիգրան Համասյան տրիո»-ի կատարմամբ կհնչեն «ՍտանդԱրտ» նոր ալբոմի ստեղծագործությունները, որոնք ամբողջապես ներկայացնում են 1920-1950 թվականների հանրահայտ ջազ ստանդարտների` Համասյանի կատարած մշակումները: Համերգին կմասնակցեն կոնտրաբասահար Ռիք Ռոզատոն (Նյու Յորք) և թմբկահար Ջոնաթան Փինսոնը (Լոս Անջելես):
Նոյեմբերի 21-ին Տիգրան Համասյանը ելույթ կունենա որպես մենակատար, ինչպես նաև զուգանվագով հանդես կգա հրավիրյալ սաքսոֆոնահար Տրիգվե Սեիմի հետ (Նորվեգիա): Համերգի ծրագրում ընդգրկված են Համասյանի սոլո ալբոմների հայտնի ստեղծագործությունները:
Նոյեմբերի 22-ին «Տիգրան Համասյան էլեկտրիկ տրիո»-ն` Նյու Յորքից հրավիրված բաս կիթառահար Էվըն Մարիենի և թմբկահար Նեյթ Վուդի մասնակցությամբ, հանդես կգա Համասյանի հեղինակային ստեղծագործությունների կատարմամբ:
Հայաստանյան շրջագայության ընթացքում նախատեսվում են նաև Ռիք Ռոզատոի և Նեյթ Վուդի առանձին ելույթները, ինչպես նաև հրավիրյալ երաժիշտների մասնակցությամբ մի շարք վարպետաց դասեր: Առաջիկայում միջոցառումների մասին կտրամադրվեն լրացուցիչ տեղեկություններ: