✨ Անչափ գեղեցիկ ամառային պրեմիերա բոլորի կողմից սիրված Կամերային երաժշտության տանը, որը չի կարելի բաց թողնել։

 Միջազգային հեղինակավոր փառատոների և մրցույթների դափնեկիրներ, վիրտուոզ դաշնակահար Տիգրան Բերկելյանը և ջութակահար Անուշ Նիկողոսյանը կներկայացնեն «Հինգ մեղեդի» յուրօրինակ ծրագիրը։ Համերգին կհնչեն Եվգենի Սվետլանովի, Սերգեյ Պրոկոֆևի, Օտտորինո Ռեսպիգիի և Ռոբերտ Շումանի ստեղծագործությունները։

 Այս համերգը եզակի հնարավորություն է վայելելու դասական երաժշտության հմայքն իր ամբողջ բազմազանությամբ՝ սկսած Սվետլանովի և Պրոկոֆևի «Հինգ մեղեդիներ»-ի նրբագեղ գեղեցկությունից մինչև Շումանի խորը և արտահայտիչ «Ֆանտաստիկ պիեսներ»-ը։ 

 Յուրատիպ երաժշտական սրահի կամարների լուսավորումը և շքեղ երգեհոնը թույլ կտան հանդիսատեսին տեղափոխվել Նորին մեծություն երաժշտության խորհրդավոր աշխարհ:

 Բաց մի՛ թողեք հունիսի գլխավոր համերգային պրեմիերային ներկա գտնվելու հնարավորությունն ու ձե՛ռք բերեք տոմսերն արդեն այսօր:

 Համերգի կազմակերպիչն է RED EVENTS & Distribution ltd ստեղծագործական գործակալությունը, որը բացառիկ մշակութային միջոցառումներ է անցկացնում հինավուրց առանձնատներում, տանիքներում, ծաղիկների ջերմոցներում և այլ ամենամթնոլորտային վայրերում   Հայաստանում, Մեծ Բրիտանիայում, Եվրոպայում, Ռուսաստանում և  այլ երկրներում: Կազմակերպվում են նաև համերգաշարեր մոմերի լույսի ներքո և մուլտիմեդիոն համերգներ, որոնք թույլ են տալիս ամբողջությամբ ընկղմվել տեսարվեստի և ձայնի աշխարհ: Պաշտոնական կայք՝ www.redevents.am:

 Համերգի սկիզբը՝ 19:00-ին։

 Հասցե․Կամերային երաժշտության տուն, Ավ․ Իսահակյան 1, ք․ Երևան, Հայաստան։

 ԿԱՏԱՐՈՂՆԵՐԻ ՄԱՍԻՆ

 Տիգրան Բերկելյանը ծնվել է 1988թ. Նիժնի Նովգորոդում (Ռուսաստան)։ Յոթ տարեկանից սկսել է ստանալ երաժշտական ​​կրթություն նախ Երևանի Քուշնարյանի անվան երաժշտական ​​դպրոցում, ապա՝ Չայկովսկու անվան երաժշտական ​​տասնամյա դպրոցում Մարգարիտա Հակոբյանի դասարանում: 2006 թվականին շարունակել է ուսումը Կոմիտասի անվան պետական ​​կոնսերվատորիայում` Իգոր Յավրյանի ղեկավարությամբ։ ԵՊԿ-ն ավարտելուց հետո ընդունվել է Կրիստիանսանդ քաղաքի (Նորվեգիա) Ագդերի (UiA) համալսարանի մագիստրատուրա։

 Վարպետության դասեր է առել Յուրի Հայրապետյանից, Էշլի Վոսից, Մարիաննա Շիրինյանից, Ստեֆան Կովաչևիչից, Այնար Նեքլբերգից։

 Դաշնակահարը 10-ից ավելի միջազգային մրցույթների և փառատոնների, այդ թվում՝ Գրիգի անվան հեղինակավոր միջազգային մրցույթի (Նորվեգիա) դափնեկիր է։ Որպես մենակատար և կամերային երաժիշտ հանդես է եկել Հայաստանում, Ռուսաստանում, Հունաստանում, Իսրայելում և Նորվեգիայում։

 Ներկայումս դասավանդում է Չայկովսկու անվան երաժշտական դպրոցում։ Մշակութային աջակցության պետական ծրագրի շրջանակներում և կանադական Ատգեն Արմենյան Հիմնադրամի աջակցությամբ վարպետության դասեր է անցկացնում Հայաստանի բազմաթիվ մարզերում:

 Մասնակցություն մրցույթներին և փառատոններին

 2014 - Գրիգի անվան միջազգային մրցույթի (Նորվեգիա) 3-րդ մրցանակ 

2012 - մասնակցություն Էյլաթի  (Իսրայել) կամերային երաժշտության միջազգային փառատոնին

2010 - մասնակցություն Կամերային երաժշտության միջազգային փառատոնին Սալոնիկում (Հունաստան)

2010 - Հեղինե Տեր-Ղևոնդյանի անվան նվագակցողների II մրցույթի 1-ին մրցանակ և հատուկ պարգև

2009 - Գ. Սարաջևի անվան VI դաշնամուրային մրցույթի 2-րդ մրցանակ

2008- 1-ին մրցանակ խոշոր ծավալի ստեղծագործությունների լավագույն կատարման համար

2007- մասնակցություն «Կամար Արտ» ժամանակակից և ավանդական արվեստի  փառատոնին

2004 - Վլադիմիր Հորովիցի հիշատակին նվիրված երիտասարդ կատարողների մրցույթի 2-րդ մրցանակ 

2002 - երիտասարդ կատարողների հանրապետական ​​մրցույթի 2-րդ մրցանակ

 Անուշ Նիկողոսյանը ջութակի առաջին դասերը ստացել է հինգ տարեկանում։ Այնուհետև սովորել է հայ ականավոր ուսուցիչ Պետրոս Հայկազյանի մոտ, իսկ հետագայում՝ Երևանի Կոմիտասի անվան պետական կոնսերվատորիայում։ Մի քանի տարի ուսանել է Հայաստանի ազգային ֆիլհարմոնիկ նվագախմբի գլխավոր դիրիժոր Էդուարդ Թոփչյանի մոտ։ Մյունխենի երաժշտության և թատրոնի բարձրագույն դպրոցում սովորել է պրոֆեսոր Քրիստոֆ Պոպենի դասարանում։ 

 Անուշ Նիկողոսյանը  համերգներով բազմիցս հանդես է եկել գերմանական Զաարբրյուքենի ռադիոյի և հեռուստատեսության, Հայաստանի պետական ֆիլհարմոնիկ, Նոյսի կամերային ակադեմիայի, Մորավիայի ֆիլհարմոնիկ, Հայաստանի պետական կամերային, Լիտվայի պետական ֆիլհարմոնիկ և այլ նվագախմբերի հետ։ 

 Անուշը ջութակի մի շարք միջազգային մրցույթների հաղթող է։ 2010 թվականին Ավստրիայում կայացած «Kärntner Sparkasse Wörthersee» միջազգային մրցույթում արժանացել է 1-ին մրցանակի։

 2013 թվականից Անուշ Նիկողոսյանը նվագում է Գվադանինիի (Guadagnini) կերտած ջութակով, իսկ 2015 թվականի մայիսին տեղի է ունեցել նրա բեմելը Լոս Անջելեսի (ԱՄՆ) Walt Disney համերգասրահում։ Որպես մենակատար՝ Անուշը հյուրախաղերով հանդես է եկել տարբեր համերգներով Հայաստանում, Գերմանիայում, Լիտվայում, Ռուսաստանում, Մեծ Բրիտանիայում, Արաբական Միացյալ Էմիրություններում, Սիրիայում, Չինաստանում, Վրաստանում, Իտալիայում, Ֆրանսիայում, Չեխիայում, Իսրայելում, Նիդեռլանդներում, ԱՄՆ-ում, Սլովակիայում, Լեհաստանում և Ավստրիայում.

 ԾՐԱԳԻՐ

 ●     Եվգենի Սվետլանով - 5 մեղեդի

●     Սերգեյ Պրոկոֆև - 5 մեղեդի

●     Օտտորինո Ռեսպիգի - 5 պիես

●     Ռոբերտ Շուման - Fantasiestücke (Ֆանտաստիկ պիեսներ) երկ․73