2026 թվականին երեք դաշնամուրների հռչակավոր Bel Suono շոուն նշում է իր գործունեության 15-ամյակը՝ մեծածավալ հոբելյանական շրջագայությամբ։ Շրջագայության կարևորագույն իրադարձություններից մեկը  ապրիլի 12-ին կայանալիք համերգն է, որի ընթացքում բեմում կհանդիպեն Bel Suono-ն և Հայաստանի ազգային ֆիլհարմոնիկ նվագախումբը։

Հոբելյանական ծրագիրը միավորում է լավագույնը, ինչից սկիզբ է առել կոլեկտիվի պատմությունը` մենակատարների հեղինակային երաժշտություն, դասական գլուխգործոցների ինքնատիպ մշակումներ, համաշխարհային և խորհրդային շրջանի ֆիլմերի հայտնի սաունդթրեքեր, ինչպես նաև համաշխարհային փոփ և ռոք ստեղծագործությունների անսպասելի մեկնաբանություններ՝ շքեղ սիմֆոնիկ հնչողությամբ։