«Տարիների մեղեդիներ» համերգը կկայանա հունիսի 24-ին, ժամը 19։00-ին, Կոմիտասի անվան կամերային երաժշտության տանը։ Այն նախատեսված է Ռոբերտ Ամիրխանյանի ստեղծագործությունները սիրող երաժշտասերների համար։

Համերգի ընթացքում Հայաստանի պետական կամերային երգչախմբի մենակատարները կներկայացնեն սիրված կոմպոզիտորի ստեղծագործությունները։ Սա լավ հնարավորություն է մեկ երեկոյի ընթացքում լսելու ճանաչված և սիրված երգեր կենդանի կատարմամբ։

Երգչախմբի գեղարվեստական ղեկավարն ու գլխավոր դիրիժորն է ՀՀ ժողովրդական արտիստ Ռոբերտ Մլքեյանը։ Մենակատարներն են Մավր Մկրտչյան, Ռազմիկ Բաղդասարյան, Լուսինե Օրդուխանյան, Էռա Հովսեփյան և Լուսին Վարդանյանը, տոմսերի արժեքը՝ 3000-7000 ՀՀ դրամ։

Մինչև 6 տարեկան երեխաների մուտքն արգելվում է։